Në shumë shtete perëndimore poligamia është e ndaluar me ligj. Politikanët shqiptarë duhet të jenë shembull për zbatimin e ligjit, por ata janë të parët që i shkelin ligjet. Në Kosovë legjislacioni në fuqi nuk e lejon martesën me më shumë se një person, por disa nga politikanët kosovarë preferojnë “poligaminë”. Disa nga këta politikanë në kulmin e karrierës së tyre politike vendosën të bashkëjetojnë dhe me aktore apo mise pa u divorcuar nga gratë ë tyre.
Me sa duket politikanët e PDK-së janë ata më qejflinjtë duke preferuar “poligaminë”. Këta politikanë janë; Agim Çeku, Blerim Shala dhe Sami Lushtaku.
Agim Çeku është njëri nga politikanët e tillë. Ai aktualisht mban pozitën e zëvendësministrit së FSK-së. Por, gjatë kohës që ai ishte kryeministër, ish-pjesëmarrësja në “Miss Kosova”, Mimoza Harxhi ia mori zemrën atij. Kështu që ai vendos të bashkëjetoj me bukuroshen, përkundër faktit se ishte i martuar me Dragicën dhe kishte dy djem të rritur.
Blerim Shala është politikani tjetër që dashurinë e tij e ndanë me dy gra. Si grua të dytë ai e zgjodhi aktoren, Aurita Agushi në kohën që ai ishte koordinator i Ekipit të Unitetit gjatë negociatave për statusin final të Kosovës, shkruan ina. Politikani Shala ka dy fëmijë me aktoren.
Dhe i fundit është politikani, Sami Lushtaku, ish-kryetar i komunës së Skenderajt, i cili me gruan e parë jeton në Skenderaj, kurse të dytën në Prishtinë.
