Qeveria e Luksemburgut ka vendosur që transporti publik brenda vendit të jetë falas për të gjithë.
Masa e marrë nga qeveria synon uljen e ndotjes dhe shmangien e trafikut të rënduar në vend. Luksemburgu është një vend ku mbizotërojnë makinat dhe bllokimet e trafikut janë të shpeshta.
Kjo edhe për shkak të trafikut të rëndë të udhëtarëve që punojnë në Luksemburg, por jetojnë në Belgjikë, Francë dhe Gjermani.
Kjo masë e ndërmarrë nga qeveria, hyn në fuqi që nga dita e sotme, 1 mars 2020. Ndërkohë bëhet me dije se vetëm bileta e trenit të klasit të parë do të paguhet.
Kostoja totale e mirëmbajtjes së rrjetit publik, rreth 500 milion € në vit, do të përballohet tërësisht nga shteti.
Kështu Luksemburgu bëhet vendi i parë në botë që merr një masë të këtij lloji për të ulur ndotjen, duke bërë që shumë qytetarë të mos përdorin me makina.
