Xherdan Shaqiri nuk do të udhëtojë me skuadrën e Liverpoolit për ndeshjen e Ligës së Kampionëve kundër Crvena Zvezdës. Ndeshja do të do zhvillohet në Beograd. Lajmi për lënien jashtë të futbollistit me origjinë shqiptare është konfirmuar nga trajneri Jurgen Klop. Shkak kanë qenë kërcënimet e shumta të bëra në drejtim të futbollistit. Tekniku gjerman është i bindur që Shaqiri do ta kuptojë për vendimin e marrë.
“Kemi dëgjuar spekulimet dhe flasim për pritjen që do i behej Shaqirit. Megjithëse nuk kemi ide se çfarë do të ndodhte. Ne do të shkojmë dhe duam të jemi të përqendruar vetëm te futbolli e nuk duhet të mendojmë për ndonjë gjë tjetër.
Ne jemi Liverpuli, një klub i madh, një ekip futbolli dhe nuk kemi asnjë mesazh përtej kësaj. Ne nuk kemi mesazhe politike. Duam që fokusi të jetë në një ndeshje futbolli. Pra, për këtë arsye, Shaqiri nuk është i përfshirë dhe ai e pranon dhe e kupton këtë. Shaqiri është lojtari ynë, e duam dhe do të luajë për ne shumë herë, por jo të martën. Kam dëgjuar shumë gjëra të mrekullueshme për qytetin e Beogradit dhe vendin e Serbisë në tërësi, nga miqtë dhe kolegët që e kanë vizituar më parë”, u shpreh Klop.
Më herët në mediat serbe patën shkruar me tone të ashpra nëse Shaqiri do të shkonte në Beograd. Kërcënimet serbe ndaj shqiptarit, bënë që ai të mos jetë i pranishëm në këtë ndeshje.
Madje në një nder titujt e mediave serbe shkruhej: “Atë e pret vdekja…”.
