Trajneri i Sevilla, Julen Lopetegui, ka folur në konferencë për shtyp para sfidës finale të UEFA Europa League, kundër Interit.
Strategu spanjoll gjatë fjalës së tij theksoi se Interi është një skuadër me lojtarë të mirë:
“Inter është një skuadër e kompletuar dhe konkrete, me lojtarë të mirë. Si të gjitha skuadrat e Contes, di të sulmojë dhe di të mos lejojë shumë raste për gol.
Do të përballemi me Interin siç kemi bërë në ndeshjet e kaluara, duke shfrytëzuar pikat tona të forta dhe duke kaluar vështirësitë.
Jemi një skuadër e bashkuar, që di ta lexojë ndeshjen. Duhet përulësi dhe respekt kundër të gjitha skuadrave, përndryshe do të bëjmë një gabim të madh. Çdo detaj do të jetë i rëndësishëm në një finale”.
