Një ngjarje e rëndë ka ndodhur mëngjesin e sotëm në qytetin e Vlorës, ku kanë vdekur nënë e bir.
Banesa e tyre, e ndodhur në lagjen “! Maji” është përfshirë nga flakët. Dyshohet se shkaku i zjarrit është shpërthimi i një bombole gazi. Mësohet se viktimat janë Selki dhe Novruz Hoxhallari, me origjinë nga Korça.
Ngjarja e rëndë ndodhi rreth orës 04:00 të mëngjesit të sotëm, ndërsa policia po punon për zbardhjen e ngjarjes.
Njoftimi i policisë:
Vlorë Informacion paraprak
Më datë 21.01.2018, rreth orës 04:20, në lagjen ”1 Maji”, në një banesë ka rënë zjarr e për pasojë janë djegur dhe kanë ndëruar jetë dy shtetas. Nga veprimet e para të kryera nga grupi hetimor dyshohet se zjarri në banesë mund të jetë shkakëtuar aksidentalisht , ku për pasojë janë djegur e kanë ndëruar jetë nënë e bir, shtetasit S.H., rreth 73 vjeçe dhe N.H., rreth 43 vjeç. Trupat e pajetë janë transportuar në morgun e Spitalit Rajonal Vlorë. Grupi hetimor po vijon punën për zbardhjen e plotë të rrethanave të ngjarjes.
