Një avion ajror rus me të paktën 71 pasagjerë është rrëzuar pasi u zhduk nga ekranet e radarëve.
Avioni Saratov Airlines An-148 u zhduk pasi la aeroportin “Domodedovo” të Moskës për t’u nisur drejt maleve Urale.
Avioni, i cili po fluturonte në qytetin rus të Orsk, raportohet të jetë rrëzuar në afërsi të fshatit Argunovo, rreth 80 km në juglindje të Moskës.
Në avion ka pasur edhe 6 anëtarë të ekuipazhit në bord. Ministria e Emergjencave tha se ka dërguar ekipe në vendin e raportuar të rrëzimit, ndërsa mediet e huaja raportojnë se nuk ka gjasa që të ketë të mbijetuar nga aksidenti ajror. TIRANA TODAY
