Katër persona, mes tyre një grua, kanë gjetur vdekjen si pasojë e një aksidenti në Prishtinë.
Ngjarja ka ndodhur pas mesnate, kur viktimat po udhëtonin me një automjet me targa gjermane, i cili ra nga ura në hyrje të Prishtinës.
Brenda automjetit kanë qenë tre burra dhe dy gra, ku ka mbijetuar vetëm njëra nga to, por gjendja e gruas ende nuk është e stabilizuar.
Ende nuk dihen emrat e viktimave dhe as detaje mbi rrethanat që kanë shkaktuar aksidentin fatal.
