Një 54-vjeçar i dënuar më herët për trafik droge, vjedhje dhe krime të tjera, është vënë në pranga pasi është futur në një turmë njerëzish dhe ka lënë të vdekur 11 persona dhe 44 të plagosur.
Agresori, me anë të një mjeti është futur mes një turme të madhe njerëzish, në një shesh publik në Kinën qendrore, dhe më pas ka sulmuar të pranishmit edhe me thikë. Ngjarja e rëndë ka ndodhur në një shesh në qytetin Hengyang, në provincën Hunan, të mërkurën në mbrëmje.
“[I dyshuari] është dënuar shumë herë për trafik droge, vjedhje dhe krime të tjera, duke krijuar një dëshirë për hakmarrje ndaj shoqërisë”, thuhet në deklaratë.
Policia identifikoi të dyshuarin, si një burrë 54-vjeçar kinez, i quajtur Yang Zanyun nga i njëjti qark, i cili kishte bërë disa dënime me burg, duke përfshirë zjarrvënien dhe sulmin.
