Një aksident i rëndë me pasojë vdekjen e një 27-vjeçari ka ndodhur sot në aksin Rrogozhinë-Elbasan. Shoferi i automjetit tip “Mercedes Benz C Class” ka ndërruar jetë, pasi është përplasur me një kamion. Për fat të keq, trupi i pajetë u bllokua brenda makinës, pasi mjeti ka përfunduar nën rrotat e kamionit. Forcat zjarrfikëse dhe policia ndodhen në vendin e ngjarjes, dhe po punojnë për të bërë të mundur nxjerrjen e trupit.
Njoftimi nga policia
Në lidhje me aksidentin e ndodhur ditën e sotme, në vendin e quajtur “Bishti i Zhurit”, ku mjeti kamion me drejtues shtetasin I. C. u përplas me mjetin tip “Benz” me drejtues shtetasin F. M., 27 vjeç, ju informojmë se si pasojë e aksidentit drejtuesi i mjetit tip “Benz” ka humbur jetën. Grupi hetimor ndodhet në vendngjarje dhe po punon për sqarimin e rrethanave të aksidentit.
