Rritet bilanci i tragjedisë së Xhenovas. Numri i viktimave tashmë ka shkuar në 41. Në rënien e urës Morandi 38 persona gjetën vdekjen, por shumë të tjerë u zhdukën nën rrënoja. Ekipet e shpëtimit kanë punuar në mënyrë intensive që nga dita e tragjedisë. Ndërsa sot kanë mundur të nxjerrin një familje tjetër italiane të pajetë.
Gjatë kërkimit në rrënoja, ekipet e shpëtimit kanë nxjerrë një makinë në të cilën udhëtonte familja Cecala, babai Cristian, e ëma Dawna dhe 9 vjeçarja e vogël, Kristal, shkruan Corriere della Sera. 
Makina që doli nga rrënojat ishte e gjitha e shkërmoqur. Shumë viktima mbeten ende për t’u identifikuar, ndërsa numri i tyre tashmë ka arritur në 41.
