Një anije me 33 turistë, kryesisht nga Koreja e Jugut është mbytur mbrëmjen e djeshme në lumin Danub, kryeqytetin hungarez, Budapest.
Deri më tani raportohet se 7 persona kanë humbur jetën dhe 19 të tjerë janë shpallur të zhdukur.
Ministria e Jashtme e Koresë së Jugut konfirmoi se 19 koreanë janë të zhdukur, ndërsa njoftoi se qeveria do të dërgojë një ekip të zyrtarëve në Hungari, për të bërë të mundur gjetjen e të zhdukurve.
Ndërkohë, gjatë një konference për shtyp, një zëdhënës i agjencisë së udhëtimit, Lee Sang-moo, tha se mes të zhdukurve është edhe një fëmijë. Shkaku i mbytjes së anijes kanë qenë rrymat e forta në lumë nga moti i keq. Kërkimet kanë nisur menjëherë, por ekipet e shpëtimit kanë paralajmëruar se për shkak të rrymave të forta, sa më shumë kohë të kalonin aq më e pamundur bëhet gjetja e trupave.
