Një futbollist meksikan është qëlluar për vdekje në fushë gjatë lojës. Futbollisti është goditur në momentin që një bandë e armatosur pushtoi ndeshjen amatore midis Real Tepeaca dhe Tochtepec, duke hapur zjarr dhe duke qëlluar mbi 100 plumba.
Rreth 20 persona të armatosur kanë sulmuar fillimisht tifozët, duke u vjedhur telefonat celularë dhe portofolat. Më pas, mendohet që banda ka kërkuar në mënyrë specifike numrin 9 të Real Tepeaca, para se ta qëllonin pa pushim.
Autorët e krimit mbeten ende të paidentifikuar. Autoritetet vendase kanë nisur hetimet, për të zbardhur ngjarjen e rëndë.
