Rusia ka pranuar se ka pësuar “humbje të konsiderueshme të trupave” në Ukrainë, pasi pushtimi hyn në ditën e tij të 44-të.
Zëdhënësi presidencial Dmitry Peskov tha për kanalin britanik Sky News, se viktimat ishin “një tragjedi e madhe për ne”.
Ai u shpreh se shpresonte që Moska të arrinte qëllimet e saj të luftës “në ditët në vijim”.
Rusia ka tërhequr trupat nga Kievi, dhe ka zhvendosur pjesën më të madhe të fokusit të luftës së saj në Ukrainën lindore – por luftimet nuk tregojnë shenja përfundimi.
Komentet e Peskov pasuan përjashtimin e Rusisë nga Këshilli i Kombeve të Bashkuara për të Drejtat e Njeriut të mërkurën.
Burimi i lajmit: BBC. Përshtatur nga Tirana Today
