Një person në kërkim ndërkombëtar për trafik organesh në Kosovë është vënë në pranga në Qipro. Një Izraelit i akuzuar për përfshirje në skandalin e trafikut të organeve të njerëzve në Kosovë 10 vjet më parë, është arrestuar në Qipro. Autoritetet kosovare kanë kërkuar ekstradimin për t’u përballur me gjyqin në Kosovë-shkruan Tirana Today.
Policia akuzon Moshe Harelin për trafikim veshkash dhe joshjen e donatorëve në Kosovë, Turqi dhe Rusi me premtimin e pagesës deri në 12,000 euro apo 14,500 dollarë. Përfituesit, kryesisht izraelitë, paguanin 80,000 € deri në 100,000 € për organet-shkruan Tirana Today.
“Bazuar në një urdhër arresti ndërkombëtar, i dyshuari M.H. u arrestua disa ditë më parë në Qipro. Ai ka qenë një person i kërkuar që nga viti 2010″-i tha Reuters zëdhënësi i policisë Baki Kelani.
Rusia gjithashtu ka lëshuar një urdhër arresti ndërkombëtar për Harelin. Autoritetet qipriote nuk e kanë komentuar rastin në fjalë. Harel u arrestua në vitin 2012 në Izrael në lidhje me një hetim paralel, por nuk u ekstradua në Kosovë, për shkak të mungesës së marrëdhënieve diplomatike.
Skandali i organeve doli në dritë në 2008 kur një turk u ndalua në aeroportin e Prishtinës. Grupi i trafikut veproi jashtë klinikës së “Medicus” në një rrugë banimi në periferi të Prishtinës. Në vitin 2013, drejtori i klinikës, urolog Lutfi Dervishi, u dënua me tetë vjet burg për krimin e organizuar dhe trafikimin e qenieve njerëzore, ndërsa djali i tij Arban u dënua me shtatë vjet-shruan Reuters.
Në vitin 2016, një gjykatë e Kosovës urdhëroi rigjykimin e mjekëve dhe zyrtarëve të dënuar për përfshirje në këtë rast, ndërsa ende vijon gjykimi pasi të arrestuarit mohojnë të kenë lidhje me akuzat e bëra. Në një rast të veçantë, vëmendja mbi akuzat e trafikimit është rritur që nga raporti i Dick Marty, në vitin 2010, akuzuan luftëtarët guerilë shqiptarë të Kosovës të cilët abuzuan duke ua marrë organet njërëzve, kryesisht serbë, gjatë luftës së Kosovës 1998-99. PËRSHTATI TIRANA TODAY
