Një traditë e çuditshme, e quajtur rituali i Manene kryhet nga populli Torajan çdo vit. Ata kanë zhvarrosur të afërmit e tyre të mumifikuar, i kanë veshur ata dhe më pas kanë bërë selfie me ta në ritualin vjetor. Kjo bëhet me qëllim nderimin e shpirtrave të tyre.
Skeletet e tyre janë larë, veshur me rrobat e tyre të preferuara dhe shtruar për t’u tharë para se të varrosen sërish. Kufomat vishen, u jepen cigare. Disa skeleteve u jepen madje gota dhe shalle pasi shtrihen në diell që të thahen pas larjes së tyre.
Gjatë ceremonisë, trupat mbahen të mbështjellë me batanije në një shtëpi tradicionale të quajtur “Tongkonan”, e cila ka një çati të veçantë në formë varke.
Ky komunitet beson se vdekja është vetëm një hap në udhëtimin e një shpirti nëpër univers.
