Francesco Totti në fund të sezonit që lamë pas, i dha lamtumirën futbollit. Ai kohë pas kohe i rikthehet kujtimeve që ka pasur sa ishte lojtar aktiv dhe ndër to është edhe pendimi më i madh. Në fakt, legjenda italiane ka pohuar se është penduar që nuk ka mundur të luaj në një ekip me brazilian, Ronaldon.
“E kam thënë dhe po e përsëris, një nga pendimet më të mëdha të karrierës sime është që nuk luajta me brazilianin, Ronaldon. Do të ishte një ëndërr e përbashkët. Ai ka shënuar shumë gola, por me mua pas tij do të kishte shënuar më shumë gola”, ka pohuar Totti.
Totti ka pohuar se personi i duhur për tu zgjedhur president i FIGC, është Damiano Tomassin. Ish-futbollisti 41-vjeçar ka luajtur gjatë gjithë karrierës për Romën, ku ka zhvilluar 619 ndeshje dhe ka shënuar 250 gola. Po ashtu ka pasur edhe 58 paraqitje për kombëtaren italiane ku ka arritur të shënojë 9 gola.
