Tornadot kanë shkaktuar të paktën 7 viktima në Shtetet e Bashkuara të Amerikës. Viktimat janë gjendur në Golden City, ndërsa një tornado tjetër goditi Jefferson City.
Thuhet se të paktën 29 tornado janë raportuar në 24 orët e fundit dhe më shumë se 170 që të premten, raporton BBC. Dëme të mëdha janë raportuar përgjatë gjithë vendit dhe përflitet për shumë persona të lënduar afër kufirit të Kansas.
Imazhet në rrjetet sociale tregojnë ndërtesa të shkatërruara, shtylla të energjisë elektrike të rëna përtokë si dhe pemë të shkulura. Me mijëra banorë besohet të kenë mbetur pa energji elektrike.
Sipas parashikimeve, stuhitë pritet të vazhdojnë të godasin qendrën e Amerikës Perëndimore edhe në ditët e Enjte dhe të Premte.
