Luksemburgu u godit ditën e djeshme nga një tornado, e për pasojë 19 persona u plagosën, dy prej të cilëve në gjendje të rëndë shëndetësore. Ndërkohë, janë dëmtuar të paktën 160 shtëpi.
Pamjet e publikuara në rrjetet sociale tregojnë tornadot me shpejtësi deri në 128 km/h që shkatërrojnë çatitë e banesave, makinat dhe rrëzojnë pemët.
“Specialistët po verifikojnë dëmet, ndërkohë që po koordinohemi për riparimin sa më shpejt të shtëpive”, deklaroi Paul Schroeder, drejtor i përgjithshëm i shërbimit antizjarr dhe shpëtimit i Luksemburgut.
https://twitter.com/i/status/1159906423914029058
Një zëdhënës i qeverisë tha se të paktën 100 shtëpi janë bërë të pabanueshme. Dëmi ekonomik nuk është përcaktuar ende. Për ato familje të cilave u janë shkatërruar tërësisht banesat, janë ngritur çadra për t’u strehuar deri në zgjidhjen e situatës.
Erërat e forta goditën qytetet Petange dhe Kaerjeng, që ndodhen shumë pranë kufirit me Francën dhe Belgjikën.
