Këshilltari i PD-së në Bashkinë e Tiranës, Fabian Topollaj ka sulmuar sot kreun e PD-së, Lulzim Basha.
Në një postim në Facebook, Topollaj shkruan se Basha e ka propozuar për të kandiduar sërish si anëtar i Këshillit Kombëtar të Partisë Demokratike.
Por, Topollaj shprehet se nuk mund ta falendërojë Bashën, pasi ai ka rrëmbyer pa garë dhe me manipulime flagrante kreun e partisë, ka zeruar kontributet e anëtarëve në vite të PD-së duke e kthyer partinë në një formacion personal.
Postimi i plotë i Topollajt:
Je qe je, me mire ndrysho dhe emrin e partise, sepse kjo smund te quhet me Partia Demokratike e Shqiperise.
Lulzim Basha me ka propozuar per te qene perseri anetar i Keshillit Kombetare te Partise Demokratike. Zakonisht ne keto raste thuhet faleminderit, si kur e pranon kandidimin si kur nuk deshiron te vazhdosh garen. Por ne kete rast eshte ndryshe dhe personalisht e kam krejt te pamundur ta falenderoj Lulin. Kjo sepse Lulzim Basha pasi ka rrembyer pa gare dhe me manipulime flagrante kreun e partise, ka zeruar kontributet e te gjithe anetareve ne vite te PD, te cilet kane qene dhe aksioneret kryesor te saj, duke e kthyer partine qe i dha jete pluralizmit ne vend ne nje formacion personal qe sot ka kryetar por fatkeqsisht nuk ka me anetare dhe kontributore qe i japin jete formacioneve politike. Kjo do te qe njesoj sikur nje prej aksionereve te nje kompanie private te vidhte me letra fallco aksionet e te gjthe bashkepronareve te tjere dhe pastaj ti propozonte atyre pozicionin e rojes se ndermarrjes per te ruajtur kompanine e tij te grabitur.