Sergio Ramos ishte lojtari i zgjedhur nga Real Madrid për të dalë para mediave në prag të ndeshjes së Champions League kundër Romës. Kapiteni madrilen kur është pyetur në lidhje me “Topin e Artë” nëse Griezman është në të njëjtin nivel me Messin dhe Ronaldon ka dhënë një përgjigje mjaft të bukur që edhe vetë francezi do ta pranonte.
Griezmann në nivelin e Ronaldos dhe Messit: “Pyetje e mirë. Injoranca është shumë e guximshme, por kur dëgjoj atë fëmijë, më janë kujtuar lojtarë si Totti, Raul, Buffon, Casillas, Maldini, Xavi apo Iniesta, të cilët kanë fituar gjithçka, por nuk kanë shijuar dot “Topin e Artë”. Gjithkush është i lirë të shprehë atë që mendon, por mendoj se i del për detyrë Simeone, Godin ose Koke për ta këshilluar. Ato mbartin vlera, që mund të jenë të dobishme në këtë rast. Megjithatë, unë mendoj se Griezmann është një lojtar i madh”.
