Pak orë na ndajnë nga starti i edicionit të 62-të i Ceremonia e Topit të Artë do të zhvillohet këtë të enjte në kryeqytetin francez, Paris, të cilit do t’i shtohet edhe më shumë shkëlqimi nga mbërritja e “yjeve” të skenës botërore të futbollit. Protagonistët do të jenë të njëjtët që kemi parë në vitet e fundit, me Ronaldo dhe Messin që konkurojnë sërish përballë njëri tjetrit, me portugezin në avantazh. “Yjet” e futbollit modern, rivalë të përjetshëm, kanë fatin të jetojnë në të njëjtën epokë. Lionel Messi dhe Cristiano Ronaldo janë imazhi i 9 viteve të fundit të eventit, duke qenë se kanë ndarë reciprokisht trofetë, 5 për argjentinasin dhe 4 për portugezin.
Asgjë nuk do të ndryshojë edhe në datën 7 dhjetor, ku protagonistët janë të njëjtë dhe mund të barazohen me sa i përket fitimit të këtij çmimi. Ronaldo është në avantazh pasi forma e shkëlqyer dhe trofetë e fituar në sezonin që lamë pas me real Madrid kanë bërë që të futet në histori. Por kësaj gare tashmë do ti shtohet edhe një kandidat tjetër serioz, ai është ylli brazilian Neymar i cili me kalimin në PSG rrit shpresat për të ngritur këtë çmim në qiell që nga viti i ardhshëm.
Por cilat janë përfaqësueset me triumfet më të shumta përsa i përket këtij trofeu individual, që nga viti 1956 e deri tani?
Në krye qëndron Holanda, edhe pse kjo përfaqësuese në vitet e fundit ka prekur pikën më të ulët në botën e futbollit. Në total janë 7 triumfe holandeze, me Cruyff që e ka fituar 3 herë, po aq sa edhe Marco Van Basten, ndërkohë që ka mundur ta fitojë një herë “Topin e Artë” edhe Ruud Gullit.
Po kështu, 7 “Topa të Artë” ka edhe Gjermania, me Beckenbauer dhe Rummenigge dy herë, ndërsa Muller, Matthaus dhe Sammer nga një herë.
Këtyre dy përfaqësueseve u shtohet Portugalia, që për momentin është me 6 “Topa të Artë”, 4 nga Ronaldo, një nga Eusebio dhe një Figo, ashtu sikurse edhe Franca.
Pas tyre vijnë Brazili e Argjentina, me 5 “Topa të Artë”. Në rastin e Argjentinës nuk ka shpërndarje të trofeut, pasi ato i ka fituar një person i vetëm: Lionel Messi. Ndërsa te Brazili, fenomeni Ronaldo e ka fituar dy herë, me Rivaldon, Ronaldinhon e Kakà nga një herë.
Pesë “Topa të Artë” kanë edhe Italia me Anglinë.
