Sipas Jozefina Topallit, Lulzim Basha nuk do ta rrëzojë kurrë Edi Ramën. Ish-kryetarja e parlamentit i sheh këto dy aktorë politikë si të pandarë.
“Ata nuk qëndrojnë pa njëri-tjetrin”, u shpreh Topalli në studion e ABC News.
Ish-nënkryetarja e PD-së, shtroi pyetjen se si mundet që një mazhorancë që nuk qeveris, duke iu referuar qeverisë së Ramës, të mos rrëzohet dot nga Partia Demokratike. Ajo sjell shembullin e protestës së fundit të studentëve.
“Ata pa iu afruar kryeministrisë hodhën gjysmën e qeverisë” – u shpreh Topalli, duke iu referuar ndryshimeve në kabinetin qeverisës së Ramës.
“Asgjë nuk ma ndërron mendjen që mes tyre (Ramës dhe Bashës) ka marrëveshje” – shprehet e bindur ish-kryeparlamentarja.
Por, kritikat e Topallit nuk mbarojnë këtu. Ajo thotë se oligarkët që Basha sulmon publikisht dyshohet se kanë kaluar miliona në kontot e kunatit të kryedemokratit. “Të paktën kshu kam lexuarnë media” – thotë Topalli. “Ai duhet të përgjigjet për këto akuza”.
