Kreu i PSD-së, Skënder Gjinushi, ka deklaruar sonte në emisionin “Opinion”, në ‘Tv Klan” se ish-deputeti i PS-së së Shkodrës, Tom Doshi, për zgjedhjet e 18 qershorit, do të jetë në listën e partisë së tij.
Gjinushi ka pohuar gjatë këtij emisioni se Tom Doshi është përjashtuar nga Partia Socialiste një vit më parë, kur deklaroi publikisht se ndaj tij po përgatitej një atentat, i cili ishte urdhëruar nga kreu i Kuvendit, Ilir Meta.
Pas këtyre deklaratave, të cilat u konsideruan të rreme, Kryesia e Partisë Socialiste e ka përjashtuar Doshin nga partia.
