Dorëzohet në polici ish-kreu i hipotekës në Kavajë, Seit Cikalleshi.
Cikalleshi ishte shpallur në kërkim pas skandalit të tjetërsimit të pronave, në kuadër të operacionit të koduar “Ranishtja” ku në Spille ishte grabitur 36 hektarë tokë kryesisht ranore pranë plazhit të kësaj zone.
Cikalleshi ishte në mesin e 11 zyrtarëve dhe ish-zyrtarëve që akuzohen për përvetësimin e hapësirës së madhe të tokës, proces i kryer përgjatë tre viteve nga 2013-2016, ku janë përfshirë edhe nënprefekti i Tiranës si dhe disa zyrtarë të Hipotekës që kanë falsifikuar dokumente dhe regjistruar pronën në emër të tyre.
