Kryeministri Edi Rama ka zgjedhur të emërojë ish-prefektin e Elbasanit, Maksim Malaj, si këshilltar për çështjet e sigurisë.
Gjeneral Major Malaj është emëruar me Vendim të Këshillit të Ministrave në këtë post. Më herët ishte ministri i Brendshëm Lleshaj ai që e mbante postin e këshilltarit për çështjet e sigurisë.
Para se të merrte postin e ri, Malaj mbante postin e Prefektit të Qarkut të Elbasanit, detyrë në të cilën u emërua Gledian Llatja. Emri i këtij të fundit lakohet si kandidati potencial i të majtës për kandidat për kryetar i bashkisë së Elbasanit në zgjedhjet e 30 qershorit.
