Banorët e Bregut të Lumit, janë mbledhur mbrëmjen e sotme para Bashkisë së Tiranës, ku kërkojnë dëmshpërblim për prishjen e banesave të tyre, si pasojë e zgjatimit të Bulevardit të Ri.
‘Tirona nuk është Surreli’, ka qenë një nga mesazhet që i drejtohej kryeministrit Rama dhe kryebashkiakut Veliaj.
Qytetarët e Tiranë i janë përgjigjur thirrjes së opozitës, duke protestuar në qendër të Tiranës. Për më shumë se 30 minuta, protestuesit kanë bllokuar rrugën mes bashkisë së Tiranës dhe Teatrit Kombëtar, duke hedhur parulla kundër qeverisë, si shkaktare për jetën gjithnjë e më të vështirë e më të shtrenjtë në Tiranë.
Me pankarta në duar “E duam bashkinë pa Erion Velinë”, “E duam Shqipërinë pa Edi Ramën, “E duam Shqipërinë pa Erion Velinë”, ata u shprehën se përballja e madhe me qeverinë do të jetë ajo e 16 shkurtit.
