Një ngjarje e rëndë është shënuar gjatë ditës së sotme kryeqytet. Sipas të dhënave paraprake, mësohet se është dhunuar barbarisht shefi i Regjimit të Burgut 313. Ngjarja e rëndë është shënuar në zonën e Freskut, shumë pranë rrugës që të çon për Dajt.
Bledar Pura është goditur me shkop bejsbolli, ndërsa tashmë ndodhet në spitalin ushtarak nën kujdesin e mjekëve. Sipas të dhënave, mësohet se motivi i ngjarjes dyshohet të jetë për shkak të ushtrimit të detyrës. Policia vijon punën për identifikimin dhe kapjen e autorëve. Sakaq, mendohet se shefi i regjimit, është goditur nga 3 persona.
Njoftimi i policisë
Më datë 17.01.2018, rreth orës 08.00, në Sallën Operative ka ardhur një telefonatë se në vendin e quajtur zona e “Freskut”, një shtetas ndodhet i shtrirë. Menjeherë në vendgjarje kanë mbërritur shërbimet e Policisë dhe Ambulanca ku nga veprimet paraprake ka rezultuar se:
Në vendin e quajtur zona e “Freskut”, në afërsi të një pallati ështe gjendur i dëmtuar shtetasi B.P., 36 vjeç, ku sipas deklarimit të tij dyshohet se është dëmtuar nga 2-3 persona. Shtetasi B.P., është transportuar në spital dhe ndodhet jashtë rrezikut për jetën. Grupi hetimor po punon për sqarimin e plotë të rrethanave të ngjarjes dhe identifikimin dhe kapjen e autorëve.
