Përfituesit e programit për subvencionimin e interesave të kredisë në Bashkisë së Tiranës janë rreth 1000 familje. Duhet theksuar se rreth 1200 familje janë skualifikuar gjatë shqyrtimit të dokumentacionit. Deklarata vjen nga nënkryetarja e këtij institucioni, Brunilda Paskali, e cila thotë se, këta aplikantë kanë patur probleme me plotësimin e dokumentacionit apo me kufirin e të ardhuarve.
Paskali: Sot ne mund të themi numrin ekzakt të aplikimeve totale për në Bashkinë e Tiranës për këtë program që është 2265. Të gjitha këto aplikime janë parë nëse plotësonin të gjitha kërkesat që ka pasur projekti. Dhe mbas shqyrtimit të kërkesave doli që afërsisht rreth 1200 aplikime nuk kanë patur të plotë dokumentacionin ose kanë pasur mungesa apo kanë dal mbi apo nën limitet e të ardhurave që kërkon projekti. Ndërkohë që një pjesë tjetër, rreth 580 aplikime kanë kërkuar edhe një rishikim nga ana juridike të dokumentacionit, për të parë”.
Sipas Paskalit, pavarësisht se programi i bashkisë parashikon subvencionimin e 1000 familjeve, në rast se do të ketë më tepër aplikime që plotësojnë kriteret, ato do të futen në listë pritjeje.
Paskali: Nëse kemi më shumë se 1000 mijë aplikime që plotësojnë kushtet, natyrisht në do ti fusim në bazë të një pikëzimi që ka projekti ynë, edhe pjesa tjetër që kalon në listë pritje. Sepse mund të ndodh që banka për arsye të ndryshme mund të mos miratojë një kërkesë për kredi të butë, dhe kështu lista do të zbres më poshtë.
Miratimi i listës me familjet përfituese do të bëhet në mbledhjen e radhës së Këshillit Bashkiak, që sipas Paskalit pritet të jetë në harkun kohor të 3 javëve, raporton Scan.
Paskali: Ne mendojmë që do bëhet një mbledhje e këshillit bashkiak së afërmi, ndoshta në harkun kohor edhe brenda muajit korrik ose fillimin e muajit gusht. Ku mendohet që të paraqitet që mbas miratimit të dokumentacionit të çohen për miratim në këshillin bashkiak.
