Bashkia e Tiranës ka nisur ndërtimin e një këndi të ri lojërash në Kombinat, i cili do t’u shërbejë të gjithë fëmijëve të zonës, por më së shumti fëmijëve me aftësi ndryshe, edhe për shkak të infrastrukturës speciale me të cilën po ndërtohet.
Veliaj inspektoi nisjen e punimeve të këndit të 15-të të lojërave në kryeqytet dhe theksoi se ky është këndi i parë në Tiranë, i përshtatshëm për t’u aksesuar edhe nga fëmijët me aftësi ndryshe.
Ai nënvizoi se Bashkia e Tiranës është e fokusuar për të vijuar punën në përmirësimin e gjithë infrastrukturës në kryeqytet, si të asaj rrugore, ashtu edhe asaj sociale e arsimore.
