I rënduar nga sëmundja e diebetit, Enver Hoxha pëson një infarkt në zemër në vitin 1972, dhe më pas një tjetër në vitin 1973. Në atë periudhë në Tiranë qarkullon me shpejtësi një lajm i tmerrshëm. Në maternitetin e kryeqytetit, kishin ndërruar jetë 27 foshnja të sapolindura. Nën zë aludohej se gjaku i tyre, do të përdorej për t’i bërë transfuzion gjaku diktatorit. Lajmi u mbajt zyrtarisht i fshehtë.
Ndonëse u mësua se foshnjat kishin vdekur nga një infeksion, si pasojë e kushteve të keqija higjenike në maternitet. Mjekët që guxuan të ankoheshin, u ndëshkuan në forma të ndryshme.
Të tjerë folën po nën zë për 60-100 bebe të vdekura në mënyrë misterioze, dhe të varrosura në fshehtësi në varrezat e Sharrës. Në mungesë të fakteve, lidhja e kësaj ngjarje me kurimin e Hoxhës, mbetet në kuadrin e një legjende. Por kjo praktikë nuk ka qenë e panjohur për kohën. Në Korenë e Veriut, Kim Il-sung do të merrte rregullisht gjak nga djemtë dhe vajzat e reja, në një përpjekje për të jetuar mbi 100-vjeç.
Në fakt jetoi vetëm 84. Vitet e fundit, shumë studime shkencore, kanë konfirmuar se gjaku i të rinjve, ngadalëson procesin e plakjes tek më të moshuarit. Shkencëtarët e quajnë këtë metodë si “terapia e vampirit”.
