Tifozi special që mbështeti Partizanin përballë Vllaznisë

Në “Selman Stërmasi”, në sfidën e sotme që kishte Partizani me Vllaznisë ka qenë prezent një tifoz special. Një djalosh i vogël me aftësi të kufizuara sfidon të ftohtin për të mbështetur ekipin e zemrës. Ai ka qenë në shkallët e stadiumit mesditën e sotme(premte) për t’i dhënë mbështetjen ekipit të Partizanit.

Kushtet e motit që janë mjaft të ftohta, situata jo e mirë që po kalon ekipi i Partizanit dhe stadiumi i mbushur me forca të shumta policie, nuk e kanë penguar këtë djalosh të vogël që të mbështesë ekipin e zemrës. Ekipi i të kuqve ia shpërbleu mjaft mirë sakrificën djalit të vogël, duke fituar me rezultatin 3-1 përballë Vllaznisë, pas një humbje dramatike që pësoi një javë më parë në Gjirokastër përballë Luftëtarit 5-0.