Tifozët e Mamurrasit pasi janë njohur me vendimin e presidentit Ded Ndreca, në shpërndarjen e ekipit, kanë kërkuar të rikthejë vendimin e tij. Disa fanatiksa të futbollit të qytezës së vogël të Mamurrasit, janë takuar mëngjesin e djeshëm me njeriun që ngriti futbollin në këtë qytet, për t’i dhënë dhe një herë mundësi djemve. Tifozët janë drejtuar dhe në thënien: Ju ishit ideatori i ngritjes së futbollit, dhe shumë pranë elitës, në dy raste të këtij ekipi dhe tashmë po mbyllni karrierën e futbollit”. Më tej tifozët i kanë thënë se një pjesë e qytetarëve të Mamurrasit, zbaviteshin pranë stadiumit me aktivitetet futbollistike.
Ndërsa Ndreca u është përgjigjur atyre duke iu thënë se arsyeja e vetme që heq dorë nga ekipi është gjykimi tendencioz që nuk po na lë të ecim para. Personalisht jam i indinjuar për një vendim të tillë, madje në ndeshjen e fundit, gati sa nuk bëra ndonjë skandal, ndaj gjyqtarit, por jam përmbajtur. I tillë gjykim nuk mund të pranohet, ndaj kjo është e vetmja arsye e tërheqjes së ekipit nga futbolli. As nuk e kishim menduar një vendim të tillë, por jam këshilluar dhe me drejtuesit e skuadrës dhe kemi arritur në këtë vendim, që për mua nuk ka kthim,- është përgjigjur tifozëve Ded Ndreca.
/Tirana Today/
