Ngërçi që po kalon Real Madrid këtë sezon, ka filluar të krijojë tensione të mëdha me futbollistëve dhe tifozëve. Madrilenët u mposhtën në “Bernabeu” nga Villarreali dhe tifozët pas ndeshjes kanë kërkuar largimin e Cristiano Ronaldos në rrjetet sociale. Ylli portugez dështoi sërish në ndeshjen ndaj Villarrealit, ku Real Madridi u mposht 0:1 në shtëpi.
Reali pësoi humbje në xhiron e 18-të në kuadër të La Ligas, duke mbetur 16 pikë prapa liderit Barcelona -19 nëse këta të fundit të dielën shënojnë fitore ndaj Sociedadit. Formës jo të mirë të Realit nuk është duke i kontribuar as Ronaldo, i cili nuk po kalon në formë aspak të mirë këtë edicion në ligë.
Portugezi në 18 xhiro këtë edicion, ka arritur të shënojë vetëm 4 gola në 200 tentime gjithsej. Ai pati 11 gjuajtje dhe dy raste të krijuara ndaj Villarrealit, duke mos arritur të shënojë gol ose të dhurojë asist. Tifozët e Real Madridit në rrjete sociale kanë kërkuar largimin e 32-vjeçarit, duke thënë se karriera e pesë herë fituesit të Topit të Artë tashmë ka përfunduar. Ronaldo dhe Real Madridi në 18 ndeshje të luajtura në La Liga këtë edicion, kanë regjistruar 9 fitore, 5 barazime dhe katër humbje.
