Tifozët e Liverpoolit e kanë terrorizuar ekipin e Manchester Cityt që në momentin që ata kanë mbërritur pranë stadiumit. Një pritje aspak paqësore, shishe, kanoçe, fishekzjarrë dhe objekte të tjera u gjuajtën në drejtim të autobusit të ekipit.
Dera e shoferit dhe disa nga dritaret u shkatërruan dhe UEFA tashmë ka marrë fotografi të asaj që ndodhi. “Nuk e prisnim këtë pas asaj që ndodhi në Dortmund gjatë vitit të kaluar, ky nuk është Liverpooli”, ka thënë Guardiola pas rastit.
Nga ana e tij, Klopp kërkoi falje: “Nuk e kuptoj, kemi provuar çdo gjë të mundshme për të shmangur një situatë të tillë. Në emër të Liverpoolit kërkoj falje”. Kjo është ndeshja e parë në kuadër të çerekfinales së Champions League.
