Një ‘përplasje’ mes grekëve dhe shqiptarëve ka ndodhur në “Allianz Arena” në përballjen mes Bayern Munich dhe AEK-ut. Tashmë është bërë traditë që në stadiumin mitik të bavarezëve në çdo sfidë që luajnë në shtëpi, në sektorin prapa portave qëndron një tifogrup me flamurin kuqezi. Tifogrupi shqiptar në Gjermani drejtohet nga ai i “Dardanëve” dhe tashmë janë bërë të famshëm.
Por në përballjen mes Bayernit dhe grekëve ka ndodhur një episod interesant, atyre u është kërkuar që të largojnë flamurin kuqezi nga stadiumi. Bavarezët e nisën ndeshjen në avantazh dhe praktikisht dihej që do të fitonin duke parë vetëm formacionet në letër dhe grekët e kaluan vëmendjen diku tjetër.
Menjëherë sapo është vënë re nga përfaqësuesit e skuadrës greke, është kërkuar heqja e flamurit shqiptar nga stadiumi dhe sektori ku ai qëndronte. Me gjithë insistimin e vazhdueshëm, flamuri shqiptar nuk është prekur dhe ka qëndruar për 45’ minuta prapa shpatullave të Manuel Nouer dhe 45’ të tjera prapa portierit grek.
