Blogeri Olti Curri ka folur së fundmi në lidhje me debatin që ka pasur me moderatoren Luana Vjollca. I ftuar në emisionin “Vizioni i pasdites”, blogeri e përshkroi Luanën si një vajzë garipe, por që nuk mund t’i shpallte luftë. Ai ka zbuluar po kështu nëse i është kërkuar nga bukuroshja për të fshirë ndonjë status në rrjetet sociale. Madje, ajo ia ka bërë të qartë Olti Currit, se i kishte shpallur ‘luftë’.
“Jo hiqe direkt nuk thonë dot, avash një çikë. Jo kaq kollaj, e ke ngatërruar. Po, kam marrë telefonata, dhe më vjen të qesh. Ka njerëz që nuk e kanë kuptuar. Telefonata e fundit që kam marrë është e Luana Vjollcës vjet, edhe foli e foli, ti provokon luftë tha. Po i thashë, do bëjmë luftë dhe e mbylla. Vetë fole vetë, zgjodhe luftë”, tha më tej ai.
Gjithsesi tashmë kjo gjë i përket së shkuarës, pasi ata i kanë rregulluar raportet me njëri-tjetrin. “Unë më Luanën kam punuar, e vlerësoj për grintën e saj, e vlerësoj që është shumë sportive, garipe siç thuhet edhe kur të merr një garipe, dhe thotë pse shkruajte këtë… Ajo duhet të merrte e të thoshte “ah u shkriva duke qesh, a sa mirë e bëre, e çfarë do bësh ndonjë gjë tjetër, ose prit çfarë do bëj unë tani”, sqaroi Olti Curri.
