Një 55-vjeçar është arrestuar në Korçë, pasi ka thyer urdhrin e mbrojtjes të vendosur nga Gjykata ndaj ish-bashkëjetueses së tij.
Specialistët e Seksionit për Krimet në Komisariatin e Policisë Korçë, bënë kapjen dhe arrestimin në flagrancë të shtetasit Pavlo Veis, banues në Korçë.
Arrestimi i tij u bë pasi, ditën e djeshme ky shtetas në kundërshtim me vendimin e Gjykatës ka shkuar në banesën e ish-bashkëjetueses së tij shtetases B.B, 40 vjeçe, e cila ishte e pajisur me urdhër mbrojtje dhe më pas është larguar me mjetin tip “Nissan” me targa greke ZMP5199.
55-vjeçari është ndaluar nga shërbimet e Policisë, në lagjen nr. 7 në Korçë, ku është konstatuar duke drejtuar mjetin në gjendje të dehur. Materialet në ngarkim të tij i kaluan Prokurorisë të Rrethit Gjyqësor Korçë për veprime të mëtejshme.
