Deputeti socialist Pandeli Majko ka deklaruara se Rama e kaloi cakun gjatë thirrjes së sotme në Berat që policët të marrin pjesë në fushatë elektorale pas pune.
Majko ka mbështetur deklaratën e Ministrit të Brendshëm Dritan Demiraj për Policinë e Shtetit dhe është përpjekur të “shfajësojë” kryeministrin Edi Rama pas thirrjeve të tij.
“Rama e kaloi cakun. Nuk i heq asnjë presje deklaratës së ministrit. Por deklarata e Ramës kishte një konotacion tjetër, familjare”, tha Majko.
Pas këmbënguljes për një reagim më të fortë, Majko ka ironizuar: “Çfarë doni të them? Kjo është një dramë e madhe që po e krijon regjimi i Edi Ramës në Shqipëri. Merreni me detajet. Shikoni standardin, kur ministri jo i PS del dhe reagon. Politika po bën një fushatë më se të zakonshme”, deklaroi Majko te “Studio e Hapur”.
