Prej më shumë se një ore, banorët e Unazës së Re po protestojnë para gjykatës, ku kërkojnë lirimin e familjarëve të tyre. Një prej banorëve, në mënyrë të veçantë ka kërkuar lirimin e qytetarit Ruzhdi Daci, i cili ka një djalë 20-vjeçar të paralizuar, dhe në shtëpi ka vetëm gruan dhe një vajzë 6-vjeçare.
“Ruzhi Daci nuk ka bërë asgjë. Kam qenë me të. Ka një fëmijë 20-vjeçar mbi 100 kilogram, dhe është i paralizuar. Ka nevojë për njeri ta çojë në tualet”.
“Distancohemi edhe nga kryeministri. Siç vizitoi policen e plagosur, duhet të vizitonte edhe qytetarët e plagosur. Distancohemi nga kryeministri që nxitoi ta shpallte dëshmore të gjallë policen”, tha ai.
