Edhe pse Rudina Hajdari nuk ishte ndër të zgjedhurit për të përfaqësuar opozitën që theu sot bojkotin duke shkuar në Kuvend, deputetja është shfaqur në parlament, madje edhe ka marrë fjalën në foltore.
Por, teksa paraqitja e saj në Kuvend u komentua si një thyerje bojkoti, Hajdari ka reaguar duke thënë se ajo thjesht bëri detyrën e saj, ndërsa bojkoti u thye nga vetë opozita që vendosi të kthehej në Kuvend.
Kujtojmë se deputetja u tregua e gatshme për lënien e mandatit në mënyrë që të mbrojë kauzën e studentëve, ndërsa kritikoi publikisht opozitën se ka zhdukur shpresën e qytetarëve njësoj si qeveria.
“E ardhmja u përket studentëve”, deklaroi ndër të tjera Hajdari në një postim të mëparshëm.
