Mjekësia ligjore ka dalë me rezultatin se në trupin e pajetë të vajzës së mbytur në Velipojë, 17-vjeçares Enisa Doda, nuk ka shenja dhune.
Në rezultatin përfundimtar thuhet se në trupin e viktimës s’ka shenja dhune, por vetëm disa të nxira që i janë bërë nga përplasja me ujin.
Sakaq, në pranga ka rënë 25- vjeçari Indrit Bajraktari, me të cilin vajza ka qenë në motorin e ujit dhe më pas nuk ka dalë më nga deti.
Pas ngjarjes së rëndë, bëhet me dije se është pezulluar përkohësisht lundrimi i mjeteve ujore në Velipojë. Autoritetet kanë nisur të marrin në pyetje të gjithë punonjësit e motorëve të ujit.
Enisa Doda ishte duke bërë xhiro me motor uji me 25-vjeçarin. E ndjera kishte shkuar në plazh me pushime me familjen e saj. Rreth orës 14:00 të ditës së djeshme, së bashku me 25-vjeçarin Indrit Bajraktari, kishin marrë një motor uji me qira. Pas më shumë se 2 orësh, rreth 16:30, në breg ka dalë vetëm 25-vjeçari, duke lënë të mbytur vajzën.
