Një aksident i rëndë ka ndodhur në autostradën Levan-Tepelenë, ku dy persona kanë humbur jetën, ndërsa 5 të tjerë janë plagosur.
Ngjarja ndodhi mbrëmjen e kësaj të diele (6 janar) në fshatin Varibob dhe në aksident janë përfshirë një autobus, një makinë dhe një motor.
Raportohet se fillimisht makina është përplasur me një motor, ndërsa më pas në aksident janë përfshirë edhe pasagjerët e një autobusi të ndaluar.
Mësohet se viktimat e aksidentit janë Durim Lamaj 50 vjeç dhe Fetah Shahaj 64 vjeç
Nuk dihen ende rrethanat dhe shkaqet e aksidentit.
Policia ka mbërritur në vendin e ngjarjes dhe po punon për zbardhjen e rrethanave të aksidentit.
