Dje në mediat botërore qarkulloi një lajm i trishtë për ndarjen nga jeta të Mino Raiolës. Ky lajm bëri xhiron e rrjetit, e ku pati mesazhe ngushëlluese. Por ky lajm dashakeq nuk është aspak i vërtetë, pasi vetë agjenti është gjallë.
Për të shuar çdo dyshim, ka menduar vetë agjenti me një postim në Twitter.
“Situata momentale me shëndetin për ata që pyesin:
I inatosur sepse për herë të dytë në katër muaj u përpoqën të më vrasin.
Duket se jam në gjendje për t’u ringjallur”, ka shkruar Raiola.
Current health status for the ones wondering: pissed off second time in 4 months they kill me. Seem also able to ressuscitate.
— Mino Raiola (@MinoRaiola) April 28, 2022
Për vdekjen e tij raportuan mediumet më të mëdha italiane, por edhe ato ndërkombëtare, përfshirë Eurosport, AS, BBC, Marca e shumë të tjera.
