Presidenti i Kosovës Hashim Thaçi përgjatë një interviste në emisionin “OXYGEN” të moderuar nga Besim Dina, ka rrëfyer se si ia kanë vënë nofkën “komandant gjarpri”.
“Unë kam kaluar kufirin shpesh Shqipëri-Kosovë, Kosovë-Maqedoni, përmes Presheve, përmes trekëndëshit Kosovë-Mali i Zi-Shqipëri dhe bashkëluftëtarët duke parë gjithë këto lëvizje të shpeshta, duke më parë se Serbia nuk mund të na kapte, sepse unë isha i dënuar edhe më herët nga Serbia qysh në vitin 1993 dhe me shumë aktakuza pastaj një pas një, atëherë shokët filluan të më thërrisnin “komandant gjarpri”, ka deklaruar Thaçi.
