Një ditë më parë, presidenti Hashim Thaçi qëndroi disa orë në spital, pas problemeve të shfaqura me shëndetin. Ai iu nënshtrua analizave mjekësore, dhe më pas u nis në banesën e tij.
Presidenca në Kosovë raporton se presidenti Thaçi ka shkuar sot në Klinikën Urologjike, në QKUK, ku po merr mjekim, pasi ka gurë në veshka. Ai është në gjëndje të qëndrueshme shëndetësore.
“Presidenti Thaçi po vazhdon t’i përmbahet terapisë së rekomanduar, dhe është në gjendje stabile shëndetësore. Presidenti Thaçi shpreh sërish mirënjohjen e tij për stafin e QKUK-së dhe Klinikës Urologjike, për trajtimin profesional dhe kujdesin e treguar”, njofton Presidenca në Kosovë.
