Presidenti Hashim Thaçi shkruan se liria e shtetit të Kosovës, i ka rrënjët edhe te liria e shtypit.
Në një postim në Facebook, presidenti i Kosovës vlerëson mediat, teksa shprehet se raportimet e mediave ndërkombëtare sensibilizuan pa asnjë censurë vendet e botës për krimet, që regjimi serb kreu mbi popullsinë civile shqiptare gjatë luftës së 1999.
“Liria e shtypit, liria e shprehjes, e cila është me përgjegjësi të madhe publike, është e drejtë themelore dhe e forcon edhe demokracinë tonë”, përfundon Thaçi.
Postimi i Thaçit:
Liria e Kosovës i ka rrënjët edhe në lirinë e shtypit. Ishin mediat e lira ndërkombëtare, të cilat pa censurë informuan botën për qindra masakra, për vuajtjet dhe spastrimin etnik që po ndodhte në Kosovë. Më 1998-1999, liria e shtypit fitoi mbi censurën. Mediat e lira fituan mbi ato të kontrolluara nga regjimi serb. Gazetarët tanë janë rritur me këtë frymë dhe sot në Ditën Ndërkombëtare të Lirisë së Shtypit, i gëzohemi faktit që kemi krijuar një mjedis për ta ndjekur shembullin e tyre për ta thënë të vërtetën. Liria e shtypit, liria e shprehjes, e cila është me përgjegjësi të madhe publike, është e drejtë themelore dhe e forcon edhe demokracinë tonë.
Pse rrogat rriten në letra, por varfëria rritet në realitet?
