Trashëgimtarja e njohur e Top Channel, Lori Hoxha, ka uruar 8 Marsin me një shkrim të veçantë, dedikuar nënës së saj, motrave dhe çdo vajze tjetër, ajo shpreh se femrat janë një nga krijesat më të forta dhe më unike.
Lori shkruan për peripecitë që kanë kaluar vitet e fundit, falenderon babain dhe ka një mesazh për të gjithë ata që nuk e dinë se ajo punon shumë për atë që do të arrij.
Një buqetë me trëndafila, Lori Hoxha e poston në profilin e saj në Instagram ku shkruan: “Që në moshë të vogël na kanë mësuar se duhet të gjejmë princin tonë, sepse pa të nuk jemi të plota. Shoqëria jonë na ka indoktrinuar në trurin tonë se vajzat e vogla nuk mund t’ia dalin në këtë botë pa ndihmën e një mashkulli. Kjo nuk mund të llogaritet shumë, por unë jam këtu për t’ju thënë boll me këto gjepura. Më kanë thënë që unë jam këtu vetëm për shkak të babait tim. Ndonëse jam e nderuar dhe e përulur të jem vajza e tij dhe të njoh ndikimin e tij të madh në jetën time, isha vetëm katërmbëdhjetë vjeç kur ai vdiq. Dhe ndërsa e kam falënderuar gjithë jetën për gjithçka më ka falur, kam harruar gjatë rrugës se ia kemi dalë vetë në këto dhjetë vjet.
Nëna ime, dy motrat dhe unë kemi luftuar mbi gjithçka për të qenë këtu sot dhe për t’ia dalë vetë edhe pse na është thënë se nuk ishim mjaftueshëm të mira,sepse ishim gra dhe na duheshin disa burra për të na marrë seriozisht, sot i lavdëroj ata. Nëna ime rriti katër fëmijë dhe po mban një perandori mbi shpatullat e saj, motra ime ndërtoi familjen e saj dhe është një nga nënat më të mira që kam takuar ndërkohë që ende përballet me detyrime të shumta për të mbaruar shkollën e Drejtësisë dhe për të ndjekur ëndrrat e saj,e motra e vogël nuk kam dyshim që do të bëhet një femër e fortë dhe e fuqishme që nuk do të mposhtet nga asnjë mashkull. Dhe unë, jam krenare që i njoh këto gra dhe kam jetuar me to. Nëse je një femër që po ia del vetëm, jam krenare për ty. Dhe nëse je një vajzë e vogël që po lexon këtë, dua të të them se nëse e respekton veten mjaftueshëm, do t’ia dalësh mbanë!”
Një urim special nga Lori dhe një mesazh mjaft aktual i shoqërisë tonë sot.
