Një familje shqiptare nga Kosova, me 7 anëtarë, janë dëbuar gjatë natës së të martës nga Gjermania. Familja ka qënë e integruar dhe se kishin disa vite që jetonin në Oelsnitz të Gjermanisë, por kjo nuk i ka penguar autoritetet që t’i dëbojnë.
Kjo familje kishte ardhur në Gjermani para tre vitesh. Nga Bajerni, Chemnitz dhe Plauen, në fund familja u vendos në Oelsnitz. Fëmija i vogël i familjes kishte lindur në Gjermani.
Familjes pasi nuk iu njoh azili, i kaloi edhe afati i quajtur “duldung”, dhe për këtë arsye janë dëbuar natën.
“Familja është marrë në dy të natës nga shtrati dhe është dëbuar”, ka deklaruar këshilltarja e partisë së majtë, Die Linken, Reiner Stöhr, e cila ka ndjekur situatën. Ajo ka përcjellë familjen deri në Berlin, ku më pas kanë marrë aeroplanin për të fluturuar drejt Kosovës.
Kryefamiljari përpos faktit që fliste mirë gjuhën gjermane, punonte si përkthyes. Sakaq, tre djemtë e tij luanin me të rriturit në klubin e futbollit Merkur, kurse njëra vajzë aktivizohej me hendbollin e Oberlosaer.
