Forca të shtuara policore janë vënë re sot përgjatë “Rrugës së Kombit”, e ndërsa këtë e demostron përmes një video-je edhe ish-kryeministri Berisha. Video është realizuar nga ambiantet e një lokali, gjatë darkës, ku shfaqen policët në grupe. Bashkëngjitur video-s në fjalë, Berisha shkruan: “Terror policor nga Edvin Kristaq Urrejtja ndaj qytetarëve të Kukësit!”.
Shumë është aluduar në lidhje me protestën, por disa qytetarë ka dalë përpara sheshit kryesor të Kukësit.
Banorët e Kukësit kanë shfaqur pakënaqësi me ofertën e qeverisë dhe koncesionarit, që kalimet e tyre në “Rrugën e Kombit” të paguhen vetëm 100 lekë të reja.
Disa aktivistë të shoqërisë civile mbajtën një deklaratë për median, ndërsa tek trau pagesat vazhdonin normalisht.
Më 31 mars të këtij viti, në sportelet ku do të paguhet taksa, pati protesta të dhunshme nga banorët e Kukësit të cilët parashikoheshin të paguanin të njëjtën tarifë si kalimtarët e tjerë. Por pas një sërë negociatash, është vendosur që banorët e Kukësit dhe zonave përreth saj të paguajnë një tarifë të reduktuar.
https://tiranatoday.com/frike-per-protesta-per-rrugen-e-kombit-10-furgona-te-fnsh-se-nen-vezhgim-per-qytetaret-fotot/
