Një ngjarje e rëndë ka tronditur banorët e Kamzës mbrëmjes së sotme. Një grabitje me armë zjarri ka përfunduar me një të vdekur dhe një të plagosur. Viktima është Agim Buçi 52-vjeç, ndërsa e plagosur është gruaja Merita Buçi 44-vjeçe.
Ngjarja ka ndodhur rrugën “OSBE” në Kamëz reth orës 21:00. Sipas policisë burrë e grua janë qëlluar me armë nga persona që kanë hyrë në minimarketin e çiftit për të grabitur.
Policia ka ngritur postblloqe të shumta për kapjen e autorëve. Vazhdon krehja e zonës dhe kontrolli i territorit.
Informacion paraprak
Më datë 25.04.2017, rreth orës 21:07, ka ardhur njoftimi se në rrugën “OSBE”, ka plagosje me armë zjarri.
Menjëherë në vendngjarje kanë mbërritur shërbimet e policisë dhe ambulanca ku nga verifikimet paraprake ka rezultuar :
Në rrugën “OSBE”, janë plagosur me armë zjarri në një dyqan shtetasit A. B., dhe M. B., (burrë dhe grua) nga persona ende të paidentifikuar.
Shtetasit e plagosur janë dërguar për ndihmë mjekësore në spital, ku shtetasi A. B., ndërroi jetë, ndërsa bashkëshortja ndodhet në gjendje të rëndë shëndetësore.
Janë ngritur pika kontrolli në çdo rrugë dhe hyrje – dalje të Kamzës e në pika të tjera.
Vazhdon krehja e zonës dhe kontrolli i territorit.
Grupi hetimor në vendngjarje po punon për identifikimin dhe kapjen e autorit / ve.
